07-02-2009, 12:54 PM
|
|
|
|
كاتب الموضوع :
حسن بواريق
المنتدى :
الشعر الزاجل
الاخ الكريم بحر الكلام السي عبد الغني
ولكن كان قصدي هكذا
عنْوة لبّسْنا كلامك الباس المقلوب
وشَقفنا ماعونك بللي فيه
هادو افعايل جارك وجاري ف دْروب
الانسان المزيان إشيرو ليه
لاقصد لامضمون عندنا مطلوب
ما شرتي به اشربناه ف اوزانك عقنا به
وكَلنا ب زيتو تقليه
جوابك ف كرسنا مكتوب
نهار إحين وقتو ندلي به
والحر بالغمزة محبوب
لانغزة لاكية تكويه
مللي فكرنا با لينا انت مرغوب
نبشناك لمزودة مع المزود تخويه
رْقايقي ف الصنعة حجر ماشي طوب
مسلح وسلاحك دخل به
كلام مثقون إحي لقلوب
ماشي من ولا إعطيه
وكُول حتا نَا مجدوب
واليوم إديا فديك وشيطان الله إخزيه
مع كل المحبة والتقدير يا بحر الكلام
في انتظار مصافحتك
|
| توقيع البوعليوي عبد السلام |
خد لي افيدك فكلامي ـــــــــــــــــــ ولي ماراق ليك خليه الغير
فالذوق اذواق وجول فبحر انضامي ***** والكلام فيه الخامر افيه لفطير
لاتشكلني ب ميزان ولا تهدم حلمي ***** كلامي قلت كشت ليام تسير
جمعتو فسواق ازناقي احوامي ***** فيه لي اسلي افيه لي إيذكرني تذكير
خد لي افيدك فكلامي ***** والعطار حانوتو ماتخفى عل البصير
من ديوان خلي لكلام عرزي
|
|
|
|
|