منتدى مطر - عرض مشاركة واحدة

لميس سعديدي · 08-09-2008, 12:33 PM

إلى غابت دابا تولي
للي نام لابد يفيق
و للي تاه فنص الطريق
دابا تشرق للي غابت
شمس ضاوية
خيوطها لاحت
ويروح سواد الليل لمدلي

نت ونت وأنا
والضمير فايق معانا
نخيطو للي تمزق
بخيوط حرير
بكفوفنا نخليو لخير
جاري بينا مدفق

إلى غابت دابا توللي
وللي ذاق لمرار
دابا يلقى ما يتمنى
يعود مرارو محللي
وللي سجنوه لسوار-الأسوار-
يرجع علامو معللي
ونارو تعود جنة

فرحمة ربي ثيق
يرجع لعدو صديق
ولى ضاق بيك الحال
حتى شي ما هو محال
فالضيق يجعل ليك طريق
لحظة لفجر برهان
كل ما غابت الشمس
تعاود من جديد تبان