فـينْ حْـنا ؟ إهداء الى الزجال عبد الغني

زايد التجاني · 08-17-2009, 05:00 PM

فـينْ حْـنا ؟

حنا ف السّما كِيف الغيامْ
بالحق مرّه مرّه تسوط الريحْ
أتشتتْ ما تجمَّع على طول ليّامْ

خْواطرنا خْيول جامْحه دون لجامْ
لـِّي ثارْها مايْريَّح ما يسْتـرِِِيحْ
ِويمْكن التـِّيهْ شْـهور أعْـوامْ

حْنا كيف داك السّرْب د الحْمامْ
بالبارودْ شي يْطير أشي يبْقى جْريحْ
إحضر الكرهْ أما يبقى سْلامْ

نوصِّيكْ ألعزيز ب الصبرْ عل الدّوامْ
راه إبليس اللعين قـْـبيحْ
انتَ ترفعْ عْلام أهو ينكّـس علامْ

ألـِّي قلبو صافي حْليب ف التمامْ
يْسيلْ مْحبّه ماشي شحيحْ
إحصدْ عز القلوبْ ..عمْرو مايتلامْ

ڭالوا صفـِّي واشربْ مَن دونْ تخمامْ
المْعلـّقـَه بْلا الله : الطيحْ
باب قلبي مفتوحْ .. غير زيدْ القـدّامْ !

ماعليﱠ وعليك غير نبْـداوْ ب السّـْلامْ
الدوَى راه مايخلـِّي ف الجَّـرح قِـيحْ
لوُكانْ حبيبي قريبْ ،نكمّـلها ب الطعامْ

عبد الغني الراقي · 08:36 PM

ف الأرض تابْثة بينا لقــدام
وْلاحْقين السّْما بْعقل صْحيـح
رافْعين لكفوف وصايْلين لرحام

بْهمس خْواطْرنا دافْقة لقـلام
شارْبين لبحر وْ سافِّين الريـح
و ف قيعان التِّيه طايْحين رْوام

وْ ماحْنا غربان أو سرب حْمام
ماحْنا غير قلب ولْسان فْصيح
و اللُّومة على الحرف إِيلَى لام

بْالصّْبر وْصِّي المنخور بْسْقـام
و إِبْليس حْداه مْكسّْل طْريـح
ساجْنو ف دوَّامة طول الـدّْوام

مكحّْل قلبو ومسوّْس لعظــام
و حاطُّو ف إطار مْشوه وقبيـح
وراميه ف ورطة ومْكوبْس لحلام

صفِّيت وشْربت وبنّْنت الطّْعـام
وما تْعلّقْت فين نْتفلّق ونْطيــح
وما ثقت ف شْطارة موس الحجّام

تْراب أقدامك ما يرفض سْــلام
والود ف قلبو واسْع و فْسيــح
وتْشْغاب لحروف ما يْفرّْق تْــوام
*****
مودتي

عبد العزيز زكي · 08-18-2009, 06:05 PM

اقتباس : المشاركة الأصلية كتبت بواسطة زايد التجاني [ مشاهدة المشاركة ]

فـينْ حْـنا ؟

حنا ف السّما كِيف الغيامْ
بالحق مرّه مرّه تسوط الريحْ
أتشتتْ ما تجمَّع على طول ليّامْ

خْواطرنا خْيول جامْحه دون لجامْ
لـِّي ثارْها مايْريَّح ما يسْتـرِِِيحْ
ِويمْكن التـِّيهْ شْـهور أعْـوامْ

حْنا كيف داك السّرْب د الحْمامْ
بالبارودْ شي يْطير أشي يبْقى جْريحْ
إحضر الكرهْ أما يبقى سْلامْ

نوصِّيكْ ألعزيز ب الصبرْ عل الدّوامْ
راه إبليس اللعين قـْـبيحْ
انتَ ترفعْ عْلام أهو ينكّـس علامْ

ألـِّي قلبو صافي حْليب ف التمامْ
يْسيلْ مْحبّه ماشي شحيحْ
إحصدْ عز القلوبْ ..عمْرو مايتلامْ

ڭالوا صفـِّي واشربْ مَن دونْ تخمامْ
المْعلـّقـَه بْلا الله : الطيحْ
باب قلبي مفتوحْ .. غير زيدْ القـدّامْ !

ماعليﱠ وعليك غير نبْـداوْ ب السّـْلامْ
الدوَى راه مايخلـِّي ف الجَّـرح قِـيحْ
لوُكانْ حبيبي قريبْ ،نكمّـلها ب الطعامْ


	كلام ينبس بالصدق .. جميل ما قرأت لك سيدي التيجاني..والأجمل ردك أستاذ الراقي .. كل شيء يهون وتبقى المحبة.. ، لكما مني كل الود

زايد التجاني · 08-19-2009, 01:48 PM

شكرا السي زكي على التعليق البهي
طبعا كل شيء يهون أمام المحبة الصادقة

مودتي

زايد التجاني · 08-20-2009, 11:20 AM

هْـديت كـلْمات تـوْْزنْ جْـبال أما ضـمََّاتْ
هـديت ليكْ حروف شطحاتْ ليك أغـنات
حروف طعـمْها محْـلاه كـيف الشـَّّهْـداتْ
ساعه وْدينه سمْعات أدِي ودِـينه خلات
مالْ السْفينة وصْلات عادْ هي غـرقاتْ؟

بالحق المضيّق الحالْ فيساعْ الطيرْ ليهْ
كلمَه جوجْ.. إثـورْ ف الحين ِويـزيدْ فيه
كيف الزﱠواقْ هـاهو هْـنا.. را هو لهيهْ
ديم معصّّبْ ماحدْ إنهيهْ وَلا حـدْ إرْضـيه
لا تكون بْحالو عفاك خـليكْ فاهـمْ أنـْبيهْ
لا تزكيِّ فالنفس،ألخوفْ ما تخـلىَّ عْليه
نعرفك رزين مْعقل،الشَّق ماتعرِّي عليه

خـليني نخطـبْْ فالناس ب الكـلامْ الـزيـن ْْ
لـِّي وصى بالصبرْ ما ڭـال الكلام الشين
وصى به الله النـبي وْصى به الصالْحينْ
أما يـََبليس أسيادي راه حاذق أوفــطـين
ما يهــمو هـبيل غارق ف بحورْ الطـينْ
مايهمُّّو غيرْ لي تحلىَّ فـ الدنيا ب الديـن

الراقي ولد الناس بالحـرف قلبو مغـْرامْ
عذرونا ياناس، ليِّ يحب ما خصّو يتـلام
يا زارعْ الكلامْ غـير تـكلم أرصّعْ الكلامْ
المرصّعْ ذهَبْ.. ألذهب يتـّوْزن بالڭـرام
سعْـدي يا مطرب نجيب ألحاجي ويـلهامْ
الهـكـّار ألزاكي والمكي اصْحاب لـَقـلام
مانساوش لميس أغِيرْها صحابْ لعْلام

ماجاء في الفقرة الثانية مجرد مثال يجب الا نتقمصه .لا أقصد أحدا طبعا .هو من أجل التنبيه والنصيحة حتى تستمر المودة ونبقى إخوة.
مودتي للجميع

نجيب أمين · 08-24-2009, 11:09 PM

سعْـدي يا مطرب نجيب....

شكرا أخي التيجاني على إدراج إسمي ضمن أسماء الزجالين الكرام في زجليتك البهية....مودتي وتقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري