للحب طعم الهريسة العربي التونسية الفاوحة

نعم يا سعاد الرائعة

أخي حسام

أختي جميلة

الحب حار و الكرسي حار و الذكريات حارة ، و حلوة ، مالحة و حامضة

بعض الوجوه تختلط علينا في طريق البحث المشتعل برغبة الاكتمال

مرحبا بكم مع احتراقاتنا

الشاب حسن ذهب يجلب الحطب من غابة القلوب المشتعلةكي يسخن الكرسي

لا تتاخروا كثيرا كي لا تهدأ النار

النار النار النار يا الشاب حسن شعلت في حوايجي و في النار الشاعلة فيّ

يا خويا مشيت تجيب في الحطب مالغابة والآ الغابة هي اللي جات بين ايديّ

قعدت نستنى في الحطابة الكلّ رجعوا واحد واحد الآ قلبي ظلّ يحرس في الغابة و فيّ

هالنار تشعل منّي

والا تشعل فيَّ

والآ هي قايدة بلحمي و عظمي

والآ تشعل بيَّ

هزيت عيني للثنايا الكلّ

هزّوني ليك ثنيّة ثنيّة

لقيتك ساكن فيها الكلّ

ولقيت قلبي ليك ْ ولى ثنيّة

ما نعرفشي علاش ديمة نرجعلك

نرجعلك وانا فرحانة

نرجعلك وانا حزينة

نرجعلك كل ما تقالتلي كلمة حبّ جديدة

الكلام فقد معناه عندي و لقيتو لعبة كبيرة ما يحذقهاش اللي يجي ، عمرك ما قتلي انحبّك كنت تعيشها بكلّك ، بنظرتك ، همستك ، خزرتك

وانت تغازل فيّ بين الناس الكل و حدّ ما يفهم لغة عينيك كان أنا والآ أختك ، كانت تسهر تراقب في نظراتنا و من بعد تبدا تقرر فيّ و أنا

نتذكر كلّ حركة منك ، كل همسة كل غناية غنيتهالي

علاش هذا الكل ضاع والآ انا اللي ضعت و الحبّ أصبح كذبة والآ لا موش هكّة يظهرلي انحب الناس الكل و الا ما نحبّ حتى واحد

علاش ما قعدتش كيفما قبل أنت وحدك ساكن قلبي و أنا فرحانة ، غبيّة و حمقاء ممكن لكن فرحانة وانت وحدك متربع في جنينة قلبي

انت وحدك الزهرة البرية ، تعرف اليوم في النهار توصلني عشرات الزهور و تتقالي قصايد في الحب و لكن عمري ما حسيت بهاكة الفرحة

وهاكة الرعشة و هاكة الحزرة

يا ريتني نرجع كيفما كنت

يا ريتك ترجع كيفما كنت

كلمة يا ريت عمرها ما ترجع اللي فات و لا تزرع زهرة برية وسط سور عالي و حيوطو مخبية عليها الشمس

يا طيبة
النار متقدة شاعلة ناروبدون حطب و لا تحتاج للمزيد
ها انت ترين كل من جلس بالكرسي لا يستطيع المكوث أكثر
من بعض دقائق ..
فينك يا حسام الكرسي مستو ونارو قايدة نحن في انتظارك
أتعلمين يا طيبة سبب تأخري .... دخلت الغابة وعلقت بشجرة منة
ورأيت مريم تسقط من يد الله ولم استطع أن أتلقفها ..
هههههههههه

الله يسامحك يا طيب حسن

منّة ضيّعت بلاد بحالها و قلبت خريطة العالم و دخلتكم حلم ما نجمتوش تخرجو منو

ومريم مازالت تحلّق لا سقطت و لا طارت و الغابة ناسها ذيابة

و الكرسي شعل و شعل و حدّ ما قربو ، الكل يخافوا نارو

تعرف ما ينجم يقعد عليه كان مجنون كيفي و الا بايع عمرو و الآ مكوي بحب حقيقي

وشملو حياتو و ما نجمشي يتخلّص منو و الآ كان اللي ما يخافشي كلمة انحبك

على خاطر يقولها من وسط وسط قلبو و ما يفتعلهاش

ممكن تلقالي هالواحد يا طيب في وقت الواحد يقول 24 مرة انحبك و هو يعني شاهيك في الدقيقة الواحدة على عدد ساعات اليوم

ممكن تقول مجنونة و الا تهذي يا طيب

ممكن تقول متحاملة على العالم

ممكن كل شي ممكن و جايز لكن فعلا انا و الحمدلله انعيش حتى هاللحظة الحب كيفما انحبو انا

لكن كرهتو في اغلب اللي نشوف في حبهم سندويتش امريكي من غير اي نكهة و لا حرارة عربية

يزيني يا طيب قلبي معبي خليني نحتفظ فيه بحب مالي علي دنيتي

و يا رب تحفظني و تحفظ كل محب

يارب اسمع منها .. يارب تحفظ أختي فتحية الطيبة المجنونة ..
يارب احفظها من ان تتوب عن الحب ههههههههههههه
يا طيبة نحن في عصر السرعة عالم الومضة و الموضة هههههههههه
كل شيء يمربسرعة .. حب ساندويتش كما قلت بدون طعم ولا رائحة
وصالح لغاية معينة ووقت محدد .. بالنسبة لسؤالك يمكن أن يجيب عليه
الطيب حسام .. لكنه بالرغم من أنه يطلب أن نجهز له الكرسي ونسخنه .. فالظاهر
أنه لا يستطيع تحمل حرارته .. أينك يا حسام كرسي الاعتراف جاهز لا تخف
حرارته متوسطة .. اذا لم يعجبك أغيره بآخر وتير ومكيف .. ننتظرك حسام
فعلا منة ضيعت بلاد بحالها ومريم لازالت تحلق ووعد بينهما حائرة
هل ستدخل مغامرة أخرى تحضرينها لها أم أنها ستبقى على الهامش ( أوت )

لا حب الآ كالهريسة التونسية أخي عبدالناصر

إني لا اومن بالحب الأبيض ههههههههههه الماسط البارد

أما الهريسة أخي العزيز ففيها سر :

ما تشربشي بعدها الماء

و حطّ عليها شوية زيت زيتون أو زيت العود كما تسمونه عندم

و قتها بعد لحظات تكون لاباس

الحب يا حار يا بالسلامة

أهلا .. مرحبا بالشاعر الجميل عبد الناصر
كيف حالك أخي ... اشتقت للدردشة معك .. من الأشياء الجميلة
لقائي بك بالبيضاء .. أتمنى أن تتاح لنا فرصة طيبة أخرى للقاء
أخي عبد الناصر ( كيقولو دخول الحمام ماشي بحال خروجو)
بما انك دخلت المتصفح فما علينا الا أن نقوم بواجب الضيافة
ونقدم لك في طبق من ذهب فرصة مواتية للجلوس على كرسي الاعتراف .
( والضيف ما يتشرط ومول الكرسي ما يفرط )