04-05-2009, 12:22 PM
|
|
|
|
كاتب الموضوع :
بنعيسى الحاجي
المنتدى :
الشعر الزاجل
بانتْ فِيّ لِيمارا
بلا سيفْ السنّارة
بانُوا خدودْ لْمرارا
طاحو سوالف النُّوّارة
دارنِي الزمان فْ كارة
أو لاحني في غارة
بانتْ فِيّ لِيمارا
بعيد..بعيدْ عل الحارة
همِّي واللاّ حارس بالصفّارة
فْ نهار مشمس نفرُوا النّفّارة
طرتْ من بلاصتِي بحال الطيّارة
بانتْ آآآآ الحكيم
يا الصيّادْ المْهارا
خشبتِي ما ينفع معاها نجارا
تسوْساتْ بعد ما كانتْ مسرارة
بانتْ...بانتْ...أو بانتْ ليمارا
بلاما تشوف فْ يْدِّي المطْيارة
أنا حلِيبِي رابْ بان من الفْرارا
اكتب لي حجابْ بْدموعْ مغيارة
حاضية جنابْها لا تْطيحْ فْ الحكّارة
بانتْ أو مازالا ليمارا
ليغارا...ليغارا...ليغارا
عيني تجري بْ دموع أو نارْ الشوق تفيظْ مرارا 
ليغارا...ليغارا...ليغارا
|
| توقيع إلهام بُصفا |
كلشي اتقال ابقات حاجة فيها كلشي
مدونة...حروف إلهام
|
|
|
|
|
أنت غير مسجل في منتدى مطر . للتسجيل الرجاء إضغط هنـا
وْبقيتْ الله كريم
العرض العادي
