الدنيا مغــــــــازل
شي طالــــــــــــع
و شي نـــــــــازل
شي هايم بحالــي
وشي صايــــــــــم
مال الحـــال غاب
مادارو ليه حجاب
ما كان عندو سباب
غير كثرة الهم والحكام
الدنيا مغــــــــــــــازل
يطوف الطواف بحوال الناس
مال هذا حاني راسو من الساس
و هذا هدُ الصبر يتجرع المرار
هذا صافي لبة بيضة مرصعة نجوم تلالي
و هذا محكور في الزمن المغدور
الدنيا مغازل
شي طالع في السما نجمة
شي عايش غير في الظلمة
الأول كان عندو ناسو
و الثاني ما عندو والو
غير الخايبين بحالو.....
زجلية جميلة جدا... فيها معاني ،وحكمة وفنون... كلامها مرصع جوهر.. وغاناها الحان تلالي
تبارك الله عليك يا أستاذة مربم، الزجل ربح أديبة جيدة
بحروف لمعاني
قلت نداوي جراحي
لكن حروفي
فتحات قروحي
على حوال الناس و احوالي
شحال قدني ما نداوي
و انا عليل دواي حروفي
شكرا لك استاذي الجليل على هذه الاطلالة
الدنيا دوارى والي ايتيق فيها كوادو عمى
ها البرد ها الحرارة ها لعجاج ها الشتا خيط من السما
تيق في اللحظة اللي انت فيها
واتمنى تكون على صح وحكمة
تيق في الرزق الطالع من عرق الجبهة
واتمنى يكون صافي لونو ما
تيق في القلب المشروك بالصفا
وكمشو كمشة لعمى
تحياتي لك يا عزيزة
أنت غير مسجل في منتدى مطر . للتسجيل الرجاء إضغط هنـا
الدنيا مغازل
العرض العادي
