07-02-2009, 05:49 PM
|
|
|
|
كاتب الموضوع :
حسن بواريق
المنتدى :
الشعر الزاجل
مصافحة
| اقتباس :
المشاركة الأصلية كتبت بواسطة البوعليوي عبد السلام
[ مشاهدة المشاركة ]
|
الاخ الكريم بحر الكلام السي عبد الغني
ولكن كان قصدي هكذا
عنْوة لبّسْنا كلامك الباس المقلوب
وشَقفنا ماعونك بللي فيه
هادو افعايل جارك وجاري ف دْروب
الانسان المزيان إشيرو ليه
لاقصد لامضمون عندنا مطلوب
ما شرتي به اشربناه ف اوزانك عقنا به
وكَلنا ب زيتو تقليه
جوابك ف كرسنا مكتوب
نهار إحين وقتو ندلي به
والحر بالغمزة محبوب
لانغزة لاكية تكويه
مللي فكرنا با لينا انت مرغوب
نبشناك لمزودة مع المزود تخويه
رْقايقي ف الصنعة حجر ماشي طوب
مسلح وسلاحك دخل به
كلام مثقون إحي لقلوب
ماشي من ولا إعطيه
وكُول حتا نَا مجدوب
واليوم إديا فديك وشيطان الله إخزيه
مع كل المحبة والتقدير يا بحر الكلام
في انتظار مصافحتك
|
الأخ العزيز السي عبد السلام البوعليوي
لحروفك أنحني وأمد لك يدي مصافحا بحرارة
وفي انتظار مصافحة أحر في بهجة المدن
إليك هاته المصافحة الزجلية
عربون صدق ومحبة وحب في الله
*****
لهلا يخطّينا جيران قيعان الدّْروب
ولهلا يخطينا عْشير ، لمحبة في عينيه
فوق الراس عْمامة وف القلب محبوب
ف الزّحمة رحمة ولكتاف تسخن بيه
معاه تحلا النّْزاهة والماكْلة والمشروب
وعزوة ونخوة ولا خوف عليه
-----
قالو العارفين إِيدُّو ف يد خُوه
وْ اللِّي يْدو تصفع معطوبة ليه
وْ اللِّي يعلّط عْتوبنا يْقدّْحوه
إِيلَى تهز وتطلق ما شكمانا فيه
واللِّي قطر بيه السقف ما نستروه
وِيلَى وْطا الحوض يتحشّو رجليه
-----
جاري خويا مهوّْر مجدوب
وسيدي حبيبي ولهلا يخطّيه
نتعاصرو وما نتقاذفو بالطوب
و خْصام العبَّارة لا حد يثيق بيه
وف قاعة الرحبة عْبارنا مطلوب
والشيطان المخزي نفخنا عينيه
-----
سيدي عبد السلام إيدي ف يديك
والصبر دوانا والله معانا
فرّْحتي قلبي وفاجيت عليك
وْ رْزانْة حْروفك جاتني ف الكٌَانا
و مْعمية العين اللي ما تبغيك
والله يقادّْ الكٌَانة مع المَكٌَانا
-----
الله يجعلها محبة مْداومة
بْسقف و حيط دايز بالمرطوب
بلا خوف بلا طمع وبلا مْساوْمة
وبحرف مْذهّْب ف كنانشنا مكتوب
بقلامنا نخلّيو الليل بلا مْقاوْمة
يشرق لفجر ويتدردب لغروب
*****
أغلى تمنيات
عبد الغني الراقي
*****
عبد السلام البوعليوي
|
|
|
|
|
أنت غير مسجل في منتدى مطر . للتسجيل الرجاء إضغط هنـا
آخر 10 مشاركات
العرض العادي
