نافذة خاصة بالألغاز الزجلية - الصفحة 3

زايد التجاني · 05-10-2009, 11:37 PM

الرد على حجاية إلهام كاين
ف رد الاستاذة أمال الادريسي
كلشي راه عين باين
شفت كل واحد واش اكول واش لاعبين تييرسي؟
ماتقولو كيف ولا فاين
لابرتقال لا اناناس هو الدلاح .كولو ميرسي

زايد التجاني · 05-10-2009, 11:46 PM

بعدما أجابت الاستاذة الحمري على لغزي الاول ، وكان الجواب الصحيح هو : الزبيب .
حبة العنب تكبربعد ذلك تصغر بعد جفافها ، وتكون حلوة جدا . إذا لاحظتم ان كل المعاني كانت تصب في اتجاه الجواب الصحيح ..وكانت دالة عليه ..بشيء من التفكير قد يصل الشخص الى الجواب الصحيح .

الان إليكم اللغز الثاني :

حاجيـتكُمْ بـيـرْ عامرْ بَـالـْْـمَ

ماهو طـوبْ.. ماهـو حجـَـرْ

نـشوفُ يسـيلْ غِي بْـكَــلْـمَ

أجُوفُ عامـرْ طـولْ لـعْمـرْ

فينكم ؟ شكون السابق ؟ بالتوفيق
بالحق جوابي الاخير حتى ليلة السبت ان شاء الله.

إلهام بُصفا · 05-10-2009, 11:57 PM

اقتباس : المشاركة الأصلية كتبت بواسطة إلهام بُصفا [ مشاهدة المشاركة ]

السلام عليكم

حاجيتكم أو ماجيتكم
أو بْحجّايات إلهام جيتكم
(1)

عل اللِّي سمَيْتُو هازا حمْل الناس
أو هو قلبُو عامر وأخضر الرّاس
كايْ برّد قلبك وِطيّبْ لك النعاس

واشْ عطِيتُوا حمارْكُم وْ اللاّ مزال؟

مللِّي تعطِيوْا حماركم
عادْ آ لْحبابْ نجاوْبْكُمْ

حاجيتكم أو ما جيتكم... موجودين في نافذة صباح الخير
اللي عندو هنا الجواب بالزجل مرحبا

والجواب العادي في نافذة صباح الخير

نبغيكم تعاوْدوا تقراوْا الحجّاية يا ناس
ما هو برتقال..سيدهم الدلاح واللاّ الأناناس
غير سميْتُو..تبدّل لكم الأسنان بالضْراسْ

***

إلهام بُصفا · 05-11-2009, 12:35 AM

اقتباس : المشاركة الأصلية كتبت بواسطة زايد التجاني [ مشاهدة المشاركة ]

حاجيـتكُمْ بـيـرْ عامرْ بَـالـْـمَ
ماهو طـوبْ.. ماهـو حجـَـرْ
نـشوفُ يسـيلْ غِي بْـكَــلْـمَ
أجُوفُ عامـرْ طـولْ لـعْمـرْ

فينكم ؟ شكون السابق ؟ بالتوفيق

بالحق جوابي الاخير حتى ليلة السبت ان شاء الله.

بير واخّا بالهم.. إيفرنسْ

أُو بالغرق ..ما بحالو بير

مصّاب كون كان إِيتّكْنْسْ

يرجع بالحلاوة وْ الخير

إلى تسدْ وِيلُو

ولى تحل وِيلُو

ها مولاي الخاتم

وسطو سِيدْ الحاكم

أو ها الواسع كِ الْمْضَمّه

غير شوفْ..اسكت وْ ابْقَ تمّ
الفم..إيطَيْحكْ..واللاّ يدير لك الهمّة

وفاء الحمري · 05-11-2009, 12:51 PM

اقتباس : المشاركة الأصلية كتبت بواسطة زايد التجاني [ مشاهدة المشاركة ]

هاد الحجايه بان علامها
الحمري حضرات
خممات تخمامها
الشمعه لي شعلات
جات هي وطفاتها
سمعوني يا لخوان انتما يا لخوات
راه العكده حلاتها

اقتباس :

بعدما أجابت الاستاذة الحمري على لغزي الاول ، وكان الجواب الصحيح هو : الزبيب .
حبة العنب تكبربعد ذلك تصغر بعد جفافها ، وتكون حلوة جدا . إذا لاحظتم ان كل المعاني كانت تصب في اتجاه الجواب الصحيح ..وكانت دالة عليه ..بشيء من التفكير قد يصل الشخص الى الجواب الصحيح .

اقتباس :

تنبت عنبة وتولي عنيبة
عايروها بوجه الشارفة
قالت لهم راني حبيبة
من عسل الشهدة غارفة
ونكون للعليل طبيبة
مع البصلة الحمرا موالفة
ف الطواجن والكساكس عجيبة
تمرة الدالية الجافة
عنبة ولات زبيبة

الله عليا وعلى كلامي المزواق
دابا راجلي خصو يزيدني ف الصداق
يا فرحي
وليت نحل الحجايات بحال البْراق
واش كاين شي جايزة ولا غير كلام لْوْراق

.

وفاء الحمري · 05-11-2009, 01:11 PM

اقتباس :

زايد التجاني
حاجيـتكُمْ بـيـرْ عامرْ بَـالـْْـمَ
ماهو طـوبْ.. ماهـو حجـَـرْ
نـشوفُ يسـيلْ غِي بْـكَــلْـمَ
أجُوفُ عامـرْ طـولْ لـعْمـرْ

بير العين عامر بالما ديمة
ما يحتاج لدلو يطلعو
يفيض الحنيْنْ غير بكليمة
وعويناتو دغيا يدمعو
وخيراتو كتيرة وعظيمة
ويا ويل لي ضيعو

زايد التجاني · 05-12-2009, 09:18 PM

اقتباس : المشاركة الأصلية كتبت بواسطة إلهام بُصفا [ مشاهدة المشاركة ]

نبغيكم تعاوْدوا تقراوْا الحجّاية يا ناس
ما هو برتقال..سيدهم الدلاح واللاّ الأناناس
غير سميْتُو..تبدّل لكم الأسنان بالضْراسْ

***

عييت نخممْ ما نفعني تخمامي
عييت نحلـّق أنخطط بْ قـْلامي
ڭـلتْ حـْسن نرجع لْ داري
نسلم ليك أنـعـطيك حماري

بنعيسى الحاجي · 05-12-2009, 09:31 PM

ذاك اللي سميتيه هاز حمل الناس

شكون ف زمانا اليوم

يتعدا راسو

ويدخل ف سواق الناس

ويشالي بعلام الصبـر

ويعمر قلبو اكثر من لقياس

ويبقى راسو ديما اخضر

والزمان حنات

لعقل يفاﯖـد

واللسان بحلاوتو يـﯖـادد

والحرفة ايلا ما غنات تستـر

يمكن تزيد ف لعمـر

وكلمة تخوي وكلمة تعمـر

وكلمة تساوم اللي قلبو عامر

وراسو اخضر

يبرد لقليب وطيب النعاس

ويفاجي الخاطـر

وانا فكرت ومازال تنفكـر

ورحلت بخيالي

لكل قبيلة وقرية و دشٍـر

تنشوف طير محوم

ف سما الزمان

مرة مرة تيحط

على وراق اشجـر

تيشوف تيميز ويعير

فاكية ما تغير لونها شمس

قفطانها ديما اخضر

واخ حتى تكبر

و تشيخ ف لعمـر

ولجواب ايلا ما كان دلاح

برتقال ولا أناناص

يكون لافوكا

ويبق لالهام

الحل

كيف تتصور

إلهام بُصفا · 05-12-2009, 11:08 PM

اقتباس : المشاركة الأصلية كتبت بواسطة زايد التجاني [ مشاهدة المشاركة ]

عييت نخممْ ما نفعني تخمامي
عييت نحلـّق أنخطط بْ قـْلامي
ڭـلتْ حـْسن نرجع لْ داري
نسلم ليك أنـعـطيك حماري

مللي ربحت حمارك.. نمشي عليه لْ السوق
ما نتكرفس ..نسقي وْ نتقدّى عليه من الفوق
نشري لافوكا باش نبرّد..أو كيلو د القوق

سعاد بني أخي · 05-12-2009, 11:15 PM

اقتباس : المشاركة الأصلية كتبت بواسطة بنعيسى الحاجي [ مشاهدة المشاركة ]

ايوا ف لحقيقة

وانا تنفكر اكثر من دقيقة

ما بان ليا غير نجاوب
كيف قالت الاستاذة سعاد
" الأناناس "

ولكن نزيد نفكر شويا ما فيها باس

ونقول باللي البرتقال
هو اللي كيبرد لقليب
وكيجيب النعاس
:::

شكرا الهام

اختي إلهام، أنا صاحبتك ياك ؟
الرشوة حتى نتلاقاو و نعطيها لك
ياك الاناناس ياك ؟
سي بنعيسى هزك الما أنا لي ربحت
آش ربحت أ إلهام؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري