جاوبوني يا اصحاب الحرف.. بخُو كلامي

إلهام بُصفا · 06-08-2009, 12:23 AM

جاوبوني يااصحاب الحرف بخُو كلامي

إلى الليل بسوالفو وقّف خيامو

رارا أو نعّس الشمس فوق ظلامو

واش تبقى شاعلة ..واللاّ تطفى وترتاح ؟

باش مللي تنوض..تشرق لالاّ من الصباح

واش كلامي معقول ..واللاّ ما فيه ارباح ؟

إلهام بُصفا · 06-08-2009, 12:39 AM

جاوبوني يااصحاب الحرف

إلى سيدهم الليف امرض.. وطاح على عين اقفاتو

واش يتّكّى على اللاّمْ... واللاّ نعزِّيوْه ف احياتو ؟

عبد العزيز المكي الناصري · 06-08-2009, 08:05 AM

اقتباس : المشاركة الأصلية كتبت بواسطة إلهام بُصفا [ مشاهدة المشاركة ]

جاوبوني يااصحاب الحرف بخُو كلامي

إلى الليل بسوالفو وقّف خيامو
رارا أو نعّس الشمس فوق ظلامو
واش تبقى شاعلة ..واللاّ تطفى وترتاح ؟
باش مللي تنوض..تشرق لالاّ من الصباح
واش كلامي معقول ..واللاّ ما فيه ارباح ؟

السلام عليكم.
البخة
خاصها تهليلة اللا الهام.
هلل يا الهلال
منضر الواحة
وقت لغروب
معقول ولَّا خْيال ؟
الشمس صفرة
طايحة ف حفرة
النهار هارب مغلوب
اﻟﯖﻤﺮة ف السما نقرة
العين
ناصعة شقرة
الليل واصل مزروب
ع الرابية
الظلام من السما
نازل محلوب.

مودتي

إلهام بُصفا · 06-08-2009, 08:09 AM

اقتباس : المشاركة الأصلية كتبت بواسطة عبد العزيز المكي الناصري [ مشاهدة المشاركة ]

السلام عليكم.

البخة
خاصها تهليلة اللا الهام.
هلل يا الهلال
منضر الواحة
وقت لغروب
معقول ولَّا خْيال ؟
الشمس صفرة
طايحة ف حفرة
النهار هارب مغلوب
اﻟﯖﻤﺮة ف السما نقرة
العين
ناصعة شقرة
الليل واصل مزروب
ع الرابية
الظلام من السما
نازل محلوب.

مودتي

لالاّ الشمس الصفرة مولات السوالف الذهبية

إلى هدات لونها لْضحكي ..واش تقبلوا عليَ ؟

ما تنافقوني ..ما تصبغوني.. أو ما تكذبُوا عليّ

بغيت نعرف..نفهم..مانبقاش غافلة ولاّ حشوميّة

إلهام بُصفا · 06-08-2009, 08:36 AM

جاوبوني يا اصحاب الحرف المعسل.. اللي كلو حرير
واش بصّحْ اللي داخ... إيشد الأرض واللاّ يطير ؟
ولى بق دايْخ..مغلوب لاصق ف الأرض ..آش يديرْ؟

إيعيش دايخ..تالفْ.. يجري ..واللاّ يرمي راسو ف بير ؟

إلهام بُصفا · 06-08-2009, 08:55 AM

جاوبوني يا اصحاب الحرف..ما تخلِّيوْني حايرة.. يمكن نبرد أو نبْرا
واش تبعّد على حبيبك ..باش إيبان لك من البعيد زوين بحال الكمرة ؟
واللاّ تقرب وتحقق ف عيوبو..إلى كان راجل إيولِّي ازمر.. ولى مرا زمرة ؟

حيت الكمرة قريبة ..خايبة.. أو من بعيد بجمالها تتعاند مع الشمس الحمرة

إلهام بُصفا · 06-08-2009, 09:27 AM

ياك مللي كانت لالاّ بنت الناس.. كنتِ ديما حدا الدّار
غير واللاّت مراتك..صبحوا عينيك على امرأة الجار ؟

شحال سهرتي تحلم بيها ..كانت زينة أو من أخير الناس

دابا صاحبتها نقرة صافية..أو هي من راسها لرجليها نحاس

جاوبوني على العشّاقة.. الملاّلة اللي يبدلُوا الأسنان بالضراس ؟

نجيب أمين · 06-08-2009, 09:38 AM

الليل
مجـــرّد
ما يتسالى
والكمره
فتمام
لخليل
يناجي خليلو
ما يتعالى
حديث الروح
يداوي بنغام

مودتي أختي إلهام

كريم أموليد · 06-08-2009, 09:49 AM

اقتباس : المشاركة الأصلية كتبت بواسطة إلهام بُصفا [ مشاهدة المشاركة ]

ياك مللي كانت لالاّ بنت الناس.. كنتِ ديما حدا الدّار
غير واللاّت مراتك..صبحوا عينيك على امرأة الجار ؟

شحال سهرتي تحلم بيها ..كانت زينة أو من أخير الناس

دابا صاحبتها نقرة صافية..أو هي من راسها لرجليها نحاس

جاوبوني على العشّاقة.. الملاّلة اللي يبدلُوا الأسنان بالضراس ؟

اللي ما بقات عجباه مراتو
كيقول عليها ضلعة معوجة
و كيعيش ما طالت حياتو
يخطب غير في اللي مزوجة

كريم أموليد · 06-08-2009, 09:57 AM

اقتباس : المشاركة الأصلية كتبت بواسطة إلهام بُصفا [ مشاهدة المشاركة ]

جاوبوني يا اصحاب الحرف المعسل.. اللي كلو حرير
واش بصّحْ اللي داخ... إيشد الأرض واللاّ يطير ؟
ولى بق دايْخ..مغلوب لاصق ف الأرض ..آش يديرْ؟

إيعيش دايخ..تالفْ.. يجري ..واللاّ يرمي راسو ف بير ؟

خلوها ناس بكري ذكرناهم بالسمن و العسل
اللي داخ يشد لارض قبلما يطير ليه العقل
و عنداك يفكر يطير مع الطيور فوق السحابة
راه إلى مشى حتى طاح مشات على عينو ضبابة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري